فسنة 1961 ... السفاح ماو تسي تونغ للي كان حاكم الصين ... دار اوامر باش الشعب اقضي على واحد النوع معين من العصافير للي كانت كتاكل حبوب القمح ... وهادشي اثر بشكل سلبي على المحاصيل الزراعية السنوية .. وللي خلا الاقتصاد ديال الصين انذاك ضعيف ... لذا كانوا الفلاحة وحتى الصيادة كيقتلوا هاد العصافير ... وبعض الارقام كتقول انهم وصلوا لعشرات الملايين من العصافير للي ماتت ايما بالقتل المباشر ( الرصاص الخ ) او الجوع والتعب ( مكانوش كيخلوها تهبط ) ... وبعد سنوات قليلة ... هاد النوع ديال العصافير تقريبا ولا شبه منقرض فالصين ...
لكن لكل فعل ردة فعل ... بسبب اختفاء هاد العصافير ... الجراد هجم على الصين .. والمفترس الوحيد للجراد هو هاد العصافير ... وفأشهر قليلة تسبب هاد الهجوم لدمار عشرات الالاف من الاطنان ديال القمح والمواد الغذائية الاخرى ... وتسبب فأسوء كارثة فتاريخ الصين ... وللي خلات 45 مليون شخص .. كيموت بالجوع ! فقط بسبب عصفور !
0 تعليقات
أكتب لتعليق