يوميات زوجة ذكية مع الرجل : الحلقة واحد

يوميات_زوجة_ذكية‬ ( الحلقة واحد )

أنا معمرني حسيت براسي أنني بحال لبنات العاديين، كنت وديما أنا بعقلية راجل بحم الأب ديالي هو الي رباني، الناس كتشوفني من برا الجسد ديال أنثى عادية ماشي بحال لبنات الأخرين يعني مكانبالغش بالإهتمام ف المظهر ديالي ومعمرني فكرت نصبغ كمارتي بالمكياج ومكانتش عندي ديك العقلية ديال "لا نتي بنت ماخصكش ديري شي حوايج" ولكن محيت الأب ديالي كان كيعلمني بطريقة ذكورية خلاتني تكون عندي بزاف ديال المعلومات على كلا الجنسين، وملي كبرت ووليت مراهقة مكنتش نحشم نقةل لبابا بلي خصتني الفوطة الصحية حيت العادة الشهرية جاتني، كنت كانشوف فالأب ديالي هو الأب والأم، حتى الملابس الداخلية كان ولحد الآن كيشريهوملي،
وكأي بنت مراهقة غادي تزيد تبان الأنوثة ديالي وتتغر الهرمونات ولكن كنت عادية ومعظم البنات الليكنت نعرف ف داك الوقت كاملين مصاحبيين مخرجيين ديك الطاقة غي ف التصاحييب باش يكتاشفوا الأحاسيس العاطفية ديالهووم اما الدراري خلاص كيبداو يستكشفوا المناطق الحساسة. ولكن اناكنت مختلفة عليهم، كان عندي أصدقاء ولكن عمرني تفكرت نتصاحب، خرجت الطاقة ديالي ف الرياضة والكتابة والأنشطة الي كنت كنظمهااا فالثانوية.