تقرير خاص من هو مصطفى الرميد و كم يملك من الأموال؟

لمصطفى الرميد، (58 سنة) من سيدي بنور، محامي
عندو جوج عيالات و ستة د لولاد (ثلاثة بنات و ثلاثة ولاد)
عندو جوج فيلات، وحدة فعين الشق فيها 520 مترو، و وحدة فعين السبع و فيها 922 مترو.
عندو جوج ديور ملاصقين فالطابق الثالث فعمارة فكازا، وحدة فيها 52 مترو و وحدة فيها 66 مترو.
عندو ثلاثة ديال الأراضي فلاحية يجرّي فيهم الخيل، ورثهوم من بّاه فسيدي بنّور
عندو مدرسة ديال الأقسام التحضيرية الخاصة
عندو طوموبيل هيونداي صانطافي و مرسيديس كلاص
عندو كونط فالتجاري وافا بانك تقول مصادر متطابقة أنه فيه شي خمسميات مليون سنتيم
عندو تقاعد برلماني و عندو أجرة وزير دولة و غا يبقا ليه تقاعد مدى الحياة ديال ثلاثة كيلو و نص.
وزير دولة، عاطيينو الطوموبيل مرسديس و الشيفور ديالها و المازوط فابور و التلفون فابور و السكن فابور، يعني دار أخرى، و عاد خمسة دلمليون شهريا.
بلا ما نهضرو على مكتب المحاماة اللي خدّام مزياان و مروّج الحركة.
هو من الناس الأغنياء لقلال فالمغريب اللي مهلّي فالشكل الخارجي ديالو، السنان مقادين و بيضين، الفورما واقفة ، الشغل ناضي عندو.
المصطفى الرميد من "لا ديمقراطية حقيقية بدون ملكية برلمانية" اللّي كان كينعّس بيها لحوالا ف 2011 إلى ملكي أكثر من الملك ف 2017.
اللّي لقاه قدّامو دابا يطحنو في سبيل يزيد فالثروة ديالو و يرضى عليه المخزن، واخا يكون هاد الحد هو بن كيران نيت، عشيرو لقديم و صاحبو الأنتيم.
هشام شارم