موضوع اليوم توعوي اكثر منه ما هو رياضي بمخاطر الكحول او ( البلية بصفة عامة ) ...
جورج بيست (22 يونيو 1947 ) ... تزاد فبيلفاست فإيرلندا الشمالية .. منذ الصغر ... قال عليه كشاف المواهب ديال ماتشستر يونايتد بوب بيشوب ( اعتقد انه وجدت لكم عبقري ) وبالفعل النادي تعاقد معاه وهو ف15 .. وبد السيرة الاحترافية ف 17 ... كخلاصة سنوات الستينات كانت ازهى ايامو مع المان يونايتد .. فاز فيه ب2 بطولات .. دوري الابطال ... وماركا اكثر من 180 هذف ...
جورج اكثر حاجة كانت كجبد عليه الاعلام هو الحياة الشخصية ... فهو كان اول لاعب فالتاريخ كيدير الاشهارات لصالح شركات الملابس العالمية ... لكن ... كان عندو جانب سيء جذا فالحياة ديالو ... كان مدمن بل يعبد الخمر والسهرات مع النساء ... كل يوم بعد كل مباراة كيكون فالسهرات ... لذرجة انه شحال من مرة طردو المدرب فالتدريبات بسبب انه جاي سكران وتعتاقل مرات ومرات من طرف الشرطة ... هادشي اثر عليه فالمسيرة الكروية .. واخا لعب بزاف لكن كان قادر احقق اكثر ...
مع انه اعتزل لكن بقات حياة العهر لاصقة فيه ... شراب عاهرات كل اسبوع ... وتسبب ليه فمشاكل مع الشرطة بسبب القيادة وهو سكران .. وتسبب الامر فالافلاس ... وف 2002 تكوانسات ليه الكبدة ودار عملية من اجل ترميمها .. وكان واعد الطبيب باش غايقطع الشراب نهائيا .... اشهر قليلة وعادت حليمة لعادتها القديمة .. مع انه قطع السهرات .. لكن القرعة ديما معاه ....
سنة 2005 جورج بيست دخل للمستشفى بسبب فشل كلوي ... ثم مات ...
جورج عندو مقولات غريبة ... منها ( فسنة 1969 تخليت نهائيا عن شرب الخمر ومعاشرة النساء ... وكانت اسوء 20 دقيقة فحياتي )
)خسرت بزاااف ديال الفلوس على الشراب و الدريات والسيارات ... اما الباقي خسرتو على الخوا الخاوي ) ...
0 تعليقات
أكتب لتعليق