الحلقة التانية
ليست تلك المرة الأولى لي غانطلع فيها لسطافيط ولكن كانت بداية
قصة و إمضاء عقد معاها لأكثر من تلاتة أشهور ... دفعني خونا و عطاني واحد طرشة و سبقتهوم بجوج مترو ... مع طلعت لصطافيط ما ضرت لا ليمن لا ليسر كي طلعت جلست .... مغانجلاس غا على ركابي واحد البوليسي كعدني بواحد ركلة مغانطيح غا على واحد كويلة صطافيط زعزعناها ...... و قاليا مغاتشربش شي حاجة ياولد القحبة .... شفت فيه وشاف فيا قاليا وخرجهوم فيا .... لقيت فصطافيط جوج دراري ودرية حالتهم حالة موسخين خانزين مكرفصين .... واحد البوليسي من هادوك لي خرجوني من المحطة دور راسو جهتنا .... وقاليهوم و الله يا دين مكوم دوك زبوبة تا نقطعهوم ليكوم هد ليلة ..... نقز واحد منهم وقاليه و الله العاظيم أشاف ما كنا كانكفتو ..... ماعرفش فين نزلات عليه تسرفيقة سكت يا ولد القحبة سكت ...... البوليس ديال ليل بعاد كل البعد على البوليس ديال نهار كاتكون قلوبهوم صم لا رحمة ولا شفقة الزاب و القلوة ملي كاتغرب الشمس تا كاطلع صطافيط مخاصهاش تدخل الكوميسارية خاوية كااااع زناقي ديال رباط خيطوهوم بينا ..... واحد فيهوم قاليه للشيفور وقف وقف شوف دوك الطوموبيل بان ليا شي حد كايتحرك فيها ...... رجعات صطافيط مارشاريان وقفو قدام الطموبيل .... طوموبيل مقودة شي حاجة كلاص .... فيها دري و درية كانو سكرانين بجوج وكانت كاضرب ليه مصيصة .... خدا عندهوم البوليسي الوراق طلب من الدرية لاكارط ما عندهاش ...... السيد ضبر على البوليس ضربهوم بألف درهم بحال إلى غا شرب قهوة ..... رجع البوليسي لصطافيط سولو لي سايق خونا ماااااالو .... قاليه لا لا وااالو ديالنا هداك غا نشط ..... كنكمو شي حاجة بيناتهوم و سمعت ألف درهم هنا .... ولكن رجعو عندو تاني مرة خرج ليهوم هد المرة صاحبنا مكشكش واش نتما ماعندكومش ماتقضيو هد ليلة .... طلب منو البوليسي المسماحة و قاليه كانعتدرو على الإزعاج و رجع ليه فلوسو ...... غالبا غايكون ولد شي مسؤول على ما فهمت فكلام أحدهم حيت و بخ صاحبنا و كرفصو علاش شدها عندو قاليه نتا مريض فكرك ملي قاليك زبي ولد فلان دور قود غدا يصبح عليك باه على صباح ..... التالثة ديال صباح ما بقا ليها واااالو ...... وصلنا الكوميسارية نزلونا دخلونا عند واحد فبيرو لاكارط ناسيونال قلت ليه راه عطيتها البوليسي لي جابنا عييط عليه بدا كايقلب فجيوب جبد وحدة قاليه لا ما عطاهاش ليا قلت ليه لا عطيتها ليك أشااااف خرج فيا عينيه قاليا واش نتا مريض فكرك ... هادي لي عندي فجيبي ديال مرا واش نتا مرا .... قلت أه أه أشاف راه ديال مي حيت أنا مزال ماصايبتهاش و هي لي عندي .... عطاها ليا وخرج ..... بدا علينا صاحبنا بلأسئلة فين كنتي فين جاي أش كادير عند من جاي عوت ليه كلشي بلي أنني كنت فالبلاد و ما عندي حد و يالله جيت تاني المدينة نترزق الله قاليا أرا داك الصاك عطيتو الصاك حلو مغايجبد غا واحد الميكا ديال شيح ... قاليا شنا هو هذا الكيف .... قلت ليه لا لا أشاف مالي جاي من كتامة غا شي شيح هداك ..... ماترطاش بزاااف راه غاتجيبها فكرك حل ميكا وشمو ولاحو تحت البيرو وجبد واحد القرعة د ليطرو ديال أركان حلها وداق فيه .... ولاحها تاهي حدا رجليه .... وقاليا خرج قود من قدامي تجي عندي غدا ولا بعدا بربي تا تنزل لتحت ..... دا ليا أركان و الشيح تدكرت عمتي وديك تمارة لي ضربات على داك أركان عينياي تغرغرو بالدموع ماحملتش كري ......... هزيت الصاك وخرجت ... عييط على البوليس لي جابنا قاليه دخل دوك تلاثة شنو عندهوم ..... دوك الزوامل أشاف لقيناهوم كايكفتو بجوج ودرية ناعسة حداهوم .... دخلهووووم .... مع دخلو التسرفيق و الطرش باك شري تربح ..... درية كاتحلف ماشافتهوم وبلي كانت ناعسة ..... خرجهوم قاليهوم قودو صباح لله ليلة هادي ...... خرجنا من الكوميسارية مجموعين سولني واحد من دوك كويلات خاي مانلقاوش عندك شي درهم قلت ليه لا .... لا ماعنديش ..... قال صاحبو هد خونا بحالنا ناشف قالو ليا فين غادي قلت ليهوم ما غادي فين غانتسنا نهار إصبح ...... عندك فين تنعس ؟؟ لا إلى غاتقبل علينا يالله معانا ؟؟ فين ؟؟ الفيلا فحي الرياض واش باغي تجبد عضامك تبعنا ... وخا بدا واحد فيهم كايدوي أنا سمييتي رضوان هذا سمييتو حميدة .... سمييتو مك حميد حميد أساط .... كي حميد كي حميدة ......كي مك صدقو دوك جوج مشانقين لينا مزال كاع مابعدناش على الكوميسارية بميات مترو ..... على حميد لا حميدة .... كاتفارقاتهم درية ونا حطيت صاكي وجلست عليه و بقيت كانخمم واش نعلق واش نكمل معهم ديك ليلة تفارقو ورجعو كايضحكو تاني كأن شيئا لم يكون ..... قاليا هادي ماعرفتكش عليها سميتها مريم ...... ونتا شمو سمييتك سمييتي موحماد أااااه كن عارفينها ...... واش بالصح لقاوكوم البوليس كاتكفتو .... مكانكفتو ما تاقلوة بقا لينا غا تكفات هد زبي لي بقا عليا لا عندي قلوة منفوخة لا مفشوشة قلنا نديرو مقارنة ما عرت فين خرجو دوك ولاد القحاب .....
ليست تلك المرة الأولى لي غانطلع فيها لسطافيط ولكن كانت بداية
قصة و إمضاء عقد معاها لأكثر من تلاتة أشهور ... دفعني خونا و عطاني واحد طرشة و سبقتهوم بجوج مترو ... مع طلعت لصطافيط ما ضرت لا ليمن لا ليسر كي طلعت جلست .... مغانجلاس غا على ركابي واحد البوليسي كعدني بواحد ركلة مغانطيح غا على واحد كويلة صطافيط زعزعناها ...... و قاليا مغاتشربش شي حاجة ياولد القحبة .... شفت فيه وشاف فيا قاليا وخرجهوم فيا .... لقيت فصطافيط جوج دراري ودرية حالتهم حالة موسخين خانزين مكرفصين .... واحد البوليسي من هادوك لي خرجوني من المحطة دور راسو جهتنا .... وقاليهوم و الله يا دين مكوم دوك زبوبة تا نقطعهوم ليكوم هد ليلة ..... نقز واحد منهم وقاليه و الله العاظيم أشاف ما كنا كانكفتو ..... ماعرفش فين نزلات عليه تسرفيقة سكت يا ولد القحبة سكت ...... البوليس ديال ليل بعاد كل البعد على البوليس ديال نهار كاتكون قلوبهوم صم لا رحمة ولا شفقة الزاب و القلوة ملي كاتغرب الشمس تا كاطلع صطافيط مخاصهاش تدخل الكوميسارية خاوية كااااع زناقي ديال رباط خيطوهوم بينا ..... واحد فيهوم قاليه للشيفور وقف وقف شوف دوك الطوموبيل بان ليا شي حد كايتحرك فيها ...... رجعات صطافيط مارشاريان وقفو قدام الطموبيل .... طوموبيل مقودة شي حاجة كلاص .... فيها دري و درية كانو سكرانين بجوج وكانت كاضرب ليه مصيصة .... خدا عندهوم البوليسي الوراق طلب من الدرية لاكارط ما عندهاش ...... السيد ضبر على البوليس ضربهوم بألف درهم بحال إلى غا شرب قهوة ..... رجع البوليسي لصطافيط سولو لي سايق خونا ماااااالو .... قاليه لا لا وااالو ديالنا هداك غا نشط ..... كنكمو شي حاجة بيناتهوم و سمعت ألف درهم هنا .... ولكن رجعو عندو تاني مرة خرج ليهوم هد المرة صاحبنا مكشكش واش نتما ماعندكومش ماتقضيو هد ليلة .... طلب منو البوليسي المسماحة و قاليه كانعتدرو على الإزعاج و رجع ليه فلوسو ...... غالبا غايكون ولد شي مسؤول على ما فهمت فكلام أحدهم حيت و بخ صاحبنا و كرفصو علاش شدها عندو قاليه نتا مريض فكرك ملي قاليك زبي ولد فلان دور قود غدا يصبح عليك باه على صباح ..... التالثة ديال صباح ما بقا ليها واااالو ...... وصلنا الكوميسارية نزلونا دخلونا عند واحد فبيرو لاكارط ناسيونال قلت ليه راه عطيتها البوليسي لي جابنا عييط عليه بدا كايقلب فجيوب جبد وحدة قاليه لا ما عطاهاش ليا قلت ليه لا عطيتها ليك أشااااف خرج فيا عينيه قاليا واش نتا مريض فكرك ... هادي لي عندي فجيبي ديال مرا واش نتا مرا .... قلت أه أه أشاف راه ديال مي حيت أنا مزال ماصايبتهاش و هي لي عندي .... عطاها ليا وخرج ..... بدا علينا صاحبنا بلأسئلة فين كنتي فين جاي أش كادير عند من جاي عوت ليه كلشي بلي أنني كنت فالبلاد و ما عندي حد و يالله جيت تاني المدينة نترزق الله قاليا أرا داك الصاك عطيتو الصاك حلو مغايجبد غا واحد الميكا ديال شيح ... قاليا شنا هو هذا الكيف .... قلت ليه لا لا أشاف مالي جاي من كتامة غا شي شيح هداك ..... ماترطاش بزاااف راه غاتجيبها فكرك حل ميكا وشمو ولاحو تحت البيرو وجبد واحد القرعة د ليطرو ديال أركان حلها وداق فيه .... ولاحها تاهي حدا رجليه .... وقاليا خرج قود من قدامي تجي عندي غدا ولا بعدا بربي تا تنزل لتحت ..... دا ليا أركان و الشيح تدكرت عمتي وديك تمارة لي ضربات على داك أركان عينياي تغرغرو بالدموع ماحملتش كري ......... هزيت الصاك وخرجت ... عييط على البوليس لي جابنا قاليه دخل دوك تلاثة شنو عندهوم ..... دوك الزوامل أشاف لقيناهوم كايكفتو بجوج ودرية ناعسة حداهوم .... دخلهووووم .... مع دخلو التسرفيق و الطرش باك شري تربح ..... درية كاتحلف ماشافتهوم وبلي كانت ناعسة ..... خرجهوم قاليهوم قودو صباح لله ليلة هادي ...... خرجنا من الكوميسارية مجموعين سولني واحد من دوك كويلات خاي مانلقاوش عندك شي درهم قلت ليه لا .... لا ماعنديش ..... قال صاحبو هد خونا بحالنا ناشف قالو ليا فين غادي قلت ليهوم ما غادي فين غانتسنا نهار إصبح ...... عندك فين تنعس ؟؟ لا إلى غاتقبل علينا يالله معانا ؟؟ فين ؟؟ الفيلا فحي الرياض واش باغي تجبد عضامك تبعنا ... وخا بدا واحد فيهم كايدوي أنا سمييتي رضوان هذا سمييتو حميدة .... سمييتو مك حميد حميد أساط .... كي حميد كي حميدة ......كي مك صدقو دوك جوج مشانقين لينا مزال كاع مابعدناش على الكوميسارية بميات مترو ..... على حميد لا حميدة .... كاتفارقاتهم درية ونا حطيت صاكي وجلست عليه و بقيت كانخمم واش نعلق واش نكمل معهم ديك ليلة تفارقو ورجعو كايضحكو تاني كأن شيئا لم يكون ..... قاليا هادي ماعرفتكش عليها سميتها مريم ...... ونتا شمو سمييتك سمييتي موحماد أااااه كن عارفينها ...... واش بالصح لقاوكوم البوليس كاتكفتو .... مكانكفتو ما تاقلوة بقا لينا غا تكفات هد زبي لي بقا عليا لا عندي قلوة منفوخة لا مفشوشة قلنا نديرو مقارنة ما عرت فين خرجو دوك ولاد القحاب .....
0 تعليقات
أكتب لتعليق