كيف تبني علاقة ناضجة و دائمة مع شريكك

الحب ماشي نبقاو ندويو من الصباح حتال العشية يوميا ونخلي حياتي وتخلي حياتك ونبقاو مقابلين كثرت الميساجات بلا فايدة، الحب ماشي هو تدخل ليا فحياتي ونتدخل لك فحياتك لا دير هادي لا مديرش هديك ونبقا نتاخذ لك قرارات حياتك، الحب ماشي تولي خاضع ليا ولأوامري ونتا كذلك، الحب ماشي هو كثرت اللوم والانتقادات وكثرت الحضية مع من كتهضر مع من كتمشى شكون كيشوف فيك و... هذي كلها تفاهات دخلها بنادم لراسو وهذا كيتسمى الحب المبرهش ديال الصغار، اما الحب الحقيقي الناضج فهو ببساطة وبلا مندخل فتفاصيل كثيرة عليه هو شعور او احساس سامي افضل ما يمكن للإنسان ان يحس به، هو يتعلق بأحاسيس الشخص وميوله العاطفية تجاه شخص آخر ماشي كثرت الحضية والبكاء واللوم، والحب كيكون افضل الى كان متبادل بين طرفين، لي كنقولو عليهم حبيبين او هادوك فعلاقة حب، وهاد العلاقة كتختالف القوة ديالها بين كل حبيبين على حسب درجة حب كل واحد فهم للآخر وكذلك المشاكل والصعاب لي تحداوها بزوج بلا متهرس علاقتهم وكذلك المدة لي قضاوها بزوج حيث كلما طالت علاقتهم الا وكانت أكثر صلابة وقوة، وهاد الناس لي كيعيشو علاقة حب ناضجة غالبا كيكون مستوى الثقة بيناتهم وفنفسهم عالي جدا ومكالمة واحدة بيناتهم فاليوم تكفيهم كتشرب قلبهم بما فيه الكفاية وهاد الناس كتلقاهم اكثر ايجابية وانتاجية فالمجتمع حيث الحب بحال شي محرك نفات كيعاون بنادم فحياتو وكيوصلو لدرجات سامية، والحب كيبقا فالقلب وفالشعور ماشي فالتصرفات المغفلة وخلاصة القول هاد الموضوع طويل بزااف وخا نهضر عليه حتى نعيا صعيب اكمل، عيشو الحب الحقيقي فحياتكم الناضج وقلبو على الشخص المناسب لكم وبعدو على التفاهات والتبرهيش أغلبية الناس عايشين تفاهات ويصحابهم عايشين حب راجع راسك وراجع من تحب. والله اهدينا جميعا