الميسكيلاسيون او ما يعرف برياضة الملوك .....

 

الميسكيلاسيون او ما يعرف برياضة الملوك .....
كاع فينا لي عمرو لعبها سمع بها ياك سواءا لعبتي ولا عاد باغي تبدا قرا هادشي ربما تستافد شي حاجة من تجريبتي انا ماشي محترف و ماعنديش شي فورمة هربانة و لكن الحمد الله كنتقاتل واخا بالامكانيات المتواضعة و كنبحث فهاد الرياضة و نقرا على التقنيات ديالها .... الرياضة هيا عبارة عن حمل الاوزان لزيادة الكتلة العضلية تاع الجسم باش يكون رشيق و متناسق...فهاد الموضوع غادي نهضرو فالشق المحترف ديال الرياضة ...عموما كاين جوج فترات رئيسية كاين التضخيم و لي كعني عضلات ضخمة مكونة من الكتلة العضلية زائد الدهون و هاد الفترة كتعتامد على 40% كربوهدرات 40 % بروتينات 20% دهنيات طبيعية و الاغلبية كيفضل يديرها فصل الشتاء .... و كاين فترة التنشيف و لي كتعني عضلات صافية اي خالية من الدهون و كتعتامد فالاساس على البروتينات بالدرجة الاولى 60% و الكربوهدرات بنسبة 30% و الدهنيات الطبيعية 10% ..... الا ان هاد النسبة كتختالف باختلاف اهداف الاعب و الاحتياجات ديالو و حتا نوع الجسم بحيث كاين ثلات انواع رئيسية "الاكتومورف" لي هو جسم نوعا ما ضعيف و خالي من الدهون و هادشي كرجع للسرعة ديالو فحرق السعرات الحرارية و كاين "الإندومورف" لي هو جسم كيكون ضخم نوعا ما و مشبع بالدهون و هادشي راجع لبطئ ديالو فحرق السعرات الحرارية و آخيرا و ليس آخرا كاين "الميزومورف" لي هو جسم متوسط غالبا مكيعاني لا من الضخامة لا من الضعف و كيكون معدل حرق السعرات الحرارية متوسط داكشي علاش قلت بلي الاحتياجات كيختالفو .... من بعد مكتحسب الاحتياجات ديالك و كادير البرنامج ديالك كيبدا التمرين و هنا غادي نتكلمو على مجموعة ديال التقنيات و ماشي كلها .... التمرين هو الاخر فيه قسمين الاول هو التدريب بالاوزان لي كعتامد على الحركات و كل واحدة كتخدم عضلة معينة و كاين بزاف ديال التقنيات نهدرو على جوج شائعين بزاف اولا نظام "الدروب سيت " لي ختارعها الاب الروحي للعبة جو ويذر و هي مجموعة تمارين مركبة لعضلة معينة بأوزان تقل تدريجيا فنفس السيري لي لاعب و الهدف منها تكبير العضلة بشكل اسرع..... و كاين نظام "السوبر سيت" لي ختارعو الاسطورة ارنولد شوازينيغر و لي هو نظام كيعتامد على تمرين العضلة بحركتين مختلفتين بدون راحة بينهم و الهدف منو استهداف الالياف لنمو العضلة اسرع هادو جوج تقنيات من بزاف..... ندوزو دابا للشق التاني فالتدريب لي هو الكارديو او التمارين الهوائية ( السباحة ، كرة القدم ، الجري...) و لي بدورو كينقاسم لقسمين كاريو عالي الحدة او high intensity لي هو مثلا انك تجري مسافة 100 متر بأقصى سرعة عندك او مثلا تجري اقصى سرعة لمدة 30 ثانية و تمشى لمدة 10 ثواني و تعاود تجرى بأقصى سرعة لمدة 30 ثانية و كاين كارديو منخفض الحدة low intensity لي هو مثلا الجري لمسافات طويلة برثم منخفض او كورة و غيرها ... الاهداف ديال كارديو بنوعاه مشتركة تقوية عضلة القلب و التخلص من الدهنيات في الجسم كاين شق ثالت و لي مبغيتش نهدر فيه بزاف لي هو المكملات فبغض النظر على واش انها مضرة ولا لا فهي مهمة باش توصل لنتائج مهيبة و تحافظ على المستوى لي وصلتي ليه و خاصكم تعرفو بلي راه كاين فرق كا بين المكملات و المنشطات الخوت الله يخليكوم قراو عاد حكمو كخلاصة الرياضة عامة خاصها تقافة خصوصا كمال الاجسام و متكونوش من صحاب دخل شهر بغا يتشهر و حتا ايلا شفتي شي حد فورمة خلي عليك عبارة " طالع بالدوباج" راه كاين و كاين ....و شكرا
بكلافي : عمر الفحوص