فإطار التوعية و أخد الحيطة و الحذار

المهم واحد القلب هزيتو عام الفين وربعة لايجعلو مغفرة للدنوب البارح حلمت بهداك لي زلكو وعاود تفكرتو و فإطار التوعية و أخد الحيطة و الحذار حبيت نشاركو معكم لا تهزوه تا نتما وخا المغاربة بحال هدشي مكايعاودوهش تحت شعار الخطية لي ماسييقينش ليها هدو الخبار كلها ربح .... المهم كنت شاد وااحد زريعة فدرب مولاي الشريف الحي المحمدي وكان واحد الصباغ ديما كايجي عندي وقيت الغدا كا ياخد جوج كوارو يكميهوم ونبقاو عاطيينها انا وياه الكيريتيك ديال الهضرة نص الساعة عاد امشي .... واحد نهار قاليا عرفتي اموحماد عندي واحد الكنز ولكن ماعرفتش كيفاش غانبيعوا بقيت كانخرا عليه بالضحك قلت ليه كنز فالبلاد ولا هنا علاه باقيالكموز فهد الوقت ... قاليا و الله اودي اموحماد تا عندي .... قلت ليه اودي الله اهديك الكنوز مشاو مع العثمانيين و الموحدين و عصر السيبة فاش كانوا القبائل الأمازيغية كايتعرضو الهجمات من طرف قبائل اخرى و كايحفرو المجوهرات و الثروات و الحايج الغاليين ديالهوم و كايردمهوم تحت الأرض باش مايتعرضوش للسارقة ااثناء الحرب اما دابا هد القوم ما بقا عندهوم مايردمو ولا مايبيينو للعلن ... قاليا لا اموحماد مشيتي بعيد علاه ما فراسك وااالو قلت ليه لا .... قاليا ديك قرعة الزاج ديال لوسيور القديمة راه وصلا تالعشرة ديال المليون وجبتها معايا من البلاد راها مطلوبة وراها عاقلة على عصر السلطان مولاي عبد الله .... بقيت كانخرا بالضحك قاليا ماتييقتينيش اموحناد ... قلت ليه هدشي مكايدخلش للدماغ داز نخار داازو جوج .... تا وقفات عليا الطموبيل قدام الحانوت .... نزلو فيها جوج .... واحد لابس كومبلي وكرفاطة واحد لابس بيرية و شال وقاميجة ديال الدجين و سبرديلة و معلق واحد شكارة بحال صحاب لافااكوننص ومسطاشو قداش ... قدموا ليا ريوسهوم هداك مول الكومبلي قاليا استاذ جامعي .... و لا خر باحث فرنسي كايبحث فهدشي ديال التراث ..... الهضرة من هنا من لهيه قالو ليا كانقلبو على شي أواني نحاسية و نقرة و العملةديال السلطاان مولاي عبد الله ودرابو ديال الموحدين ونعالة ديال الحمارة ديال يوسف بن تاشفين و و و و وقرعة ديال الزيت لوسيور ديال زاج .... انا غاسمعت قرعات لوسيور ديال زاج تفكرت الصباغ وخرجو عيني ... قلت ليهم وديك القرعة شحال تكون داير قالو ليا كاتوصل تال خمسة وعشرين مليون ... علاش عندك ... قلت ليهم لا لا .... شرية ماعنديش انا ولكن كاينة عند واحد السيد بسرعة البرق جبد داك البلحث الفين درهم لاحها ليا فوق الكونطوار الفين درهم قاليا هاك ها العربون عطيه ليه وقوليه اجيبها ولكن الى مكانتش داك النوع لي بغينا ارجع لينا رزقنا كانت هي نكملو ليه فلوسو .... شديت داك العربون وخلاو ليا نمرتهوم نعيط عليهوم الساعة لي يجي عندي من الصباح ونا كانشوف فالمكانة امتى غايبان الصباغ... مجاش تالوقت الغدا قلت ليه سير سير ضربها بريا جيب ديك القرعة لي قلتي ليا عندك ... مشا جاب القرعة .... قلت ليه شوف خلي هد القرعة وفالعشية رجع راه كاين علاش نهضرو .... قاليا و عليه عييط على هادوك جاو خرجو شي ابارايات بداو كايدوزهوم على القرعة و كايهضرو بالفرونسي ... قاليا هاداك دي مثل بلي مغربي غناك الله اموحماد هي هادي فين ضبرتي عليها بغيت نطير بالفرحة قلت صافي عفا الله من المزيرية و الحزقة وتاقوادييت .... قلت ليهم صصافي هي نعطيه العربون شحال غاتعطيوني ديالي. قالو ليا داكشي من بعد تا نتفاهمو مع السيد إلى كلفك نتا نيت ماشي مشكيل نتفاهمو معك قلت ليهم صافي غدا رجعو ....جا الصباغ فالعشية قاليا موحماد امنضرة ... قلت ليه وااالو اودي ا الحسين هدشي عندك ماواكلشغغا جيتي متقل بيها من البلاد .... قاليا لا اصاحبي مايمكنش شحال من واحد شافها وقال ليا هي .... قلت ليه وااالو ولكن نقدر نعطيك فيها واحد الف درهم غا على الديكور ديالها و الله تا عشقتها نحطها غا ديكور ... قاليا لا لا اموحماد من هنا من لهيه ونا اصلا كانسالو شي فلوس وعارفوا مقودة عليه بقينا تا وصلنا ديك القرعة لستة لاف درهم و الفين درهم ديال العرببون ماعطيتوش ليه هي ربعة لاف درهم عطيتوا انا من عندي ... شديت ديك القرعة ولويتها فجورنا و الزيف وضربت ليها السكوتش ....و درتها فالمجر .... و مشيت لتيليبوتيك نعييط على دوك خوتنا لي غايشريو كانلقا الهاتف الذي تطلبونه غير مشغل هكذا نهار كامل عرفت صافي بلي سالات المهم ديال ديك نمرة وديال صباغ لي ما هو شي صباغ كان غا كايجيبوه و قييت الغدا باش العب الدور و ملي يسالي معايا يركب تاني فالطموبيل .... اعلم الله شحال من قرعة باعو ولاد القحاب و بشحال ... انا شديت ديك القرعة مرة مرة فاش كانسد كانحطها فلارض وكانشوف واش نجلس عليها تدفعو يدخل مزيان حيت دخل دخل ... بقات هكداك مدة حتى جابت ساعتها و طااحت فوق التلاجة و تهرسات المهم حضيو كروكوم المغاربة راه مقييمين و غايحشيوه ليك غايحشيوه يا بالخاطر يا بزز .