أسبوع فقط بين الحب والخيانة موحماد مول الحانوت

واحد صديق الطفولة قرا معايا فجامع و السكويلة تا هو تاقادا ديالي نيت غا أنا خرجت و جيت لتمارة بكري هو بقا كمل قرايتو تالكاطريام عاد خرج وجا خدم فأكادير واحد المدة من بعد طلع لكازا ، كنت كانشوفو مرة مرة بحال كاع دراري ديال الدوار تال نهار شعلات العافية فلوزين ديال الخياطة فعين سبع ألفين وطلطاعش السيد غبر ليه الأطار .....والكارثة أنه كان خدام فداك لوزين ديك الساعة تقلب دوار سفﻻاه على علاه ولد أيت فلان راه تحرك فلوزين ديال عين سبع .... بقا فكلشي حيت هو المعيل الواحيد لواليديه و ماعندوش شي أخ أخر من غير الدريات ..... درنا مبادرة أنا وشي دراري ديال الدوار ومشينا كانقلبو عليه ماخلينا لا كوميساريات لا سبيطارات لا تاشي قرينة كحلة السيد وااالو غبر ليه الأطار حتى ظن الجميع أن الجثة ديالو دهبت رمادا مع الريح ..... شدو واليديه العزو فالدوار وبداو كايعزيوهوم الناس على أساس أن ولدهوم مشا وبكيت تا أنا على ولد القحبة حيت كانو عندي معاه دكريات كثار فصغري .... تال العيد الكبير ديال ألفين وخمسطاعش وهو يوقف علينا ليلة العيد فالدوار بطموبيل مابيهاش وبكاوريا تا هي ما بيهاش وبولدو صغير ... صدم كلشي مو طاحت غييبات باه ماعرف باش تبلا تا واحد ماصدق واش رجع ..... كيفاش خرج تا واحد معارف ولكن مدام جاب كاوريا وإلا حرك ...... مهم داز العيد و هو يدخل عمار مع واليديه فالمعقول حيت رفضو ليها بتاتا الزواج و يولد مع واحدة ماختلف معهم فالعقيدة لقا عمار راسو بين المطرقة والسندان وندم علاش رحع كاع البلاد وعلاش جابها معاه ...... مو قبح الله الجهل قترحت عليه إطلقها و يسمح تا فداك الولد لي معاها إلى إقتضى الحال ...... بقا عمار كايفكر فاش المعمول داز العيد بعشر أيام و الكاورية خاصها ترجع فحالتها قاليها عمار أنا غانبقا مزال مع واليديا شي يامات وغانلحق عليك ...... على نيتها مسكينة قالت ليه وخا هزات ولدها وزادت فحالها .... مزال ما فاتش سيمانة على المغادرة ديالها للدوار .... تا ضربها سي عمار بعرسية فعلا تاركة و بأقواد بنت فالمنطقة ...... داها عمار وخا مكانتش كاتبغيه ولكن ما بقاش داك عمار لي كان خدام فالفيرمة فأيت ملول ولا فلوزين فعين سبع ..... ولا عمار لي يقدر إبيع ويشري فبنادم ويخد أي واحد حيت غايخرجها لماريكان ..... سي عمار دار عرسية و حييح دنيا كلينا وشربنا ولعبنا و فالعرس ديالو رفد القلب صباح الغد ليه ديال العرس ما صبحش السيد ..... و خلا العروسة موراه ...... نزل ديريكت لأكادير شد طيارة داك نهار مزال ..... وصل لماريكان مشا للدار لقا الكاورية كاتسناه ...... أوال السؤال طرحتو عليه هو عمار شنو كايجمعني معاك ...... قاليه طبعا الحب .... قالت ليه متأكد الحب ولا الوراق ....... علاش كنتي معول ديرو معايا إلى رجعتي من المغرب ؟؟ قاليها لا شيء غانعيشو عادي كيما كنا وشنو دابا دخل الوراق فهد الهضرة ......قالت ليه وخا تسناني أنا جايا ..... مشات لبيت نعاس جابت بيسي وحلات الإيميسين وبدات كاتوريه فالصور ديال العرس ديالو ها هو كالس مع العروسة ها هما لاعبين أحواش ..... قالت ليه واش تا هدشي دخل ف طقوسكوم الدينية ...... عمار كايشوف فالصور وبقا حل فمو .... قاليها دابا لي عطا الله عطاه سأخبركي بكل شيء بشرط واحد .... قالت ليه شنا هو ..... قاليها توريني شكون مصيفط ليك هد الصور ....... قالت ليه هد الصور السيد لي صيفطهوم ليا دار المستحيل باش إوصل الهوية ديالي و إجبد الإميسين ديالي مكانش فنيتو أنه يأديك ....... قطعها وقاليها واشنو كان فنيتو شنو باغي عندي ..... إنه فقط جاء من أجل الإغاثة طلب مني الإغاثة منك ...... وقال لي بالحرف أرجوك أنقديني أنا وحببتي من زوجك الوحش أنا إبن المنطقة فقير لا أكسب شيء زوجك جا من أمريكا يا تبهى علينا وغايدي حبيبتي صحة حيت واليديها مغايرحموهاش عطاوها ليه بدون موفقة ديالها و مقادراش تعصي قرار أهلها ..... كيما لم يستطيع عمار لي هو راجل إعصي واليديه ويطييح بكلمتهوم فهو بعدا رجوعه من المغرب إلى امريكا معول باش إطلقك لا لشيء إلا أنك تختلفين معاه إيديولوجيا ...... أرجوك انقدينا ...... واش هدشي صحيح أ عمار غاتحييد لواحد وحدة كايبغيها و كاتبغيه وتزوجها أنت وخا مكاتبغيكش وتخلي وحدة لي كاتبغيك ....... نهار لقيتك أعمار كاتغسل المواعن فقهوة وقررت نتزوج بيك ليس لسواد عيونك و بسبب فحولتك و إنما أحببتك و قدرتك و قلت نرجعك رجل .... لكنك أنت لا تؤمن بالحب فلا معنى لوجودك فالحياة إنتظر أنا جايا دخلات لبيت نعاس ...... وجابت فردي عطاتو جوج قرطاسات فجبهتو وعطات جوج لراسها ..... و إرتحت وإرتاح تا هو ....... و من حسن حظ صديقنا لي بغا يدي ليه الساطة ديالو أنا الناس كايقولو بلي مزال مقاسهاش ......مكاينش فرق كبير بين زواج عمار و تشييع جنازته بمدينة أكادير وهو داخل الصندوق .... أسبوع فقط بين الحب والخيانة .
الخائن يموت شرع .
 موحماد مول الحانوت