قــصتي مع منتديـات ستار تايمزأيام شاهد.. تفصيل

لي مادوزش منتيديات ستار تايمز فات عليه بزاف فعالم الويب ....داكشي كان بروتوكولي إلى أقصى الحدود ... خصك يلا يلاه دخلتي كتدوز بعدا عند مالين التعارف كتقوليهم أنا عضو جديد معكم بالمنتدى هل من مرحب ؟ ..... وكتسنى واحد التعليق فيه حللت اهلا ونزلت سهل نووووووووورت بالمنتدى يالغالي.. ديال واحد أمير الظلام مسكين كان متخصص باش يسد لخصاص ديال التعاليق لي كانو كيعانيو منو بوقلوة بالمقارنة مع الدريات .....من بعد.. كتسيليكسيوني نتا شمن قسم باغي تنشط فيه .... وكتبدا تمشي تقلب على "المواضيع المفيدة" وتكوبيها وتلوحها تما .ومرة مرة كتجيب دويرة على الاقسام لاخرين تشوف اش واقع..وباشما كنتي منشط ليهم لبطولة باشما كتاخد شي وسام... او صاحب أفضل موضوع ...أو أفضل تعليق .. وماحدك كتجمع فالاوسمة ونتا كتكون أكثر أهلية أنك تولي مشرف .........بالنسبة ليا انا كنت ناشط فداك القسم ديال النقاش الجاد ...كانو شادين الاشراف ديالو جوج مغاربة ... اي موضوع كان كيبان ليا تحط كنمشي أدلي بسطلي فيه .... ومع الجد والمثابرة قدرت نحقق أكبر عدد ديال الاوسمة .... وفرحت بزاااااف منين طلع عندي واحد المشرف قالي را غنديروك معنا .. ومن بعد مباشرة المهام ديالي ...للأسف ماكاينة تا شي سيمانة بلوكاو ديلمي ....حيتاش كندير لفتنة .... ومشات سنوات من العمل الجدي المتواصل ...وكنت عنبكي يا زبي..... ولكن على الرغم من ذلك قلت مع راسي لن أيأس أبدا سأخلص ستارتايمز من كل الشرور ...ودرت حساب اخر ... ومشيت لقسم لتاريخ الاسلامي ... لقيتها نااايضة بين السنة والشيعة تما..... وبغيت زعما ندير ليهم فيها رجل التوافقات والإعتدال ريثما نولي مشرف...وبقيت كنجيب دوك المواضيع ديال التعايش ونحطهم وأي محتوى تحط كنعلق عليه والخ... وتحقق ليا عوتاني الحلم ديالي ... او وليت مشرف .....يلا كي زكيت وتادي طلع عندي واحد العراقي تاهوا كان زميلي في الاشراف بيعني لعجل ولد ديلكلب .... قالي را خصنا نكونو تحالف لمجابهة المد الشيعي للمنتدى وداكشي ... وأنا نمشي معه فلخط ..... ولد القحبةفينما كان شي موضوع كيثير الفتنة كيصيفطو لي ... إنشر تؤجر ...وثبته معك ...ناض واحد الايراني ديكلارا للإدارة ....وتبلوكيت ثاني من جديييد بدون اي سابق إنذار
وعندما بلغ السيل الزبى مشيت ديريكت لعند لمدير خالد الدوسري كتبت ليه دوي أداك الحمار... علاش يولد القحبة يا راس العلافة يا بو كرش بلوكيتيني اللينعل زامل بوك ..


Jawad El Ansari