عند الجري طويلاً قد تشعر بالألم في الجنب أسفل البطن وهذا ...

 

 

🔴علاش فاش كتجري كيضرك جنبك؟
كتبقا تجري لمسافة طويلة، واحد الشوية كتشدك بحال نخصة فجنبك، و ما كتقدرش باقي تكمل الجرى، هاد الصداع لي كتحس بيه طبيا كيتسمى "سايد كرامب"، غالبا كيوقع فالجنب الليمن من الكرش، و السبب هو انك فاش كتدير واحد المجهود بدني الأوكسجين كينقص، و هنا الطحال و الكبدة مكيبقاوش يرسلو الكريات الحمرا اللي كتهز الأوكسجين، و هادشي علاش كتحس بالنخصة، و كيف تحبس الجرى الصداع كيحبس.
مهم ماعندش مناش تخاف حيت هاد الصداع لي كيجيك طبيعي، و مكيعنيش أنك مريض بشي مرض خايب.
عرفنا أشناهو هاد "سايد كرامب"، دابا بقا السؤال كيفاش ما يبقاش يجيني أصلا؟
أولا شرب الما بزاف، و ما عمرك تجري و أنت فيك العطش، حيت هاد الصداع لي كتحس بيه كيوقع حيت الجسم ديالك ناشف من الما، و بدا تجري غير بشوية يعني دير تسخينات، و مع الوقت زيد سرعة الجري تدريجيا، ما تنساش تبقا تتنفس مزيآن شهيق زفير، و قلل من الماكلة قبل ما تجري.
واش فايت واقعات ليك ؟