سرقة المحتوى الصحافي ....مهنة البحث عن المتاعب ...

 

 

 

 
لأول مرة فحياتي كتوقع لي، واقف حدا واحد السطوب على رجلي، جاو شي شباب كيضحكو: وفين الرمضاني، ما جيت نكمّل الضحكة حتى قلبت جيبي لقيت البزطام والتيليفون مشاو... ما عرفت باش تّبليت، البزطام فيه خمسالاف درهم، وهي اللي فراس مالي، والتيليفون هو باش كنخدم وفيه كاع الأرقام اللي كنحتاج... مشيت كنجري مع شي دراري لعند البوليس لعل وعسى يتبعوا الشفارة قبل ما يصرفوا الفلوس ولا يبيعوا التيليفون، خصوصا أن دراري آخرين عرفوا شكون زعيم العصابة، عند البوليس بداو كيتمرضنو عليا لا حقا تسنى ما تسنى، وأنا نكعى عاوتاني وكنت غنضارب، شوية بان لي الحسن عواد بحال الهدية، قلت ليه واش عندك فلان؟ قالي نقلب... دوزو ليا عافاك... دوز النمرة كيصوني وكيعطيه بواط فوكال... ومشا البزطام ومشا التيليفون ومشات خمسالاف درهم 😑😑😑
إيوا سرّني أنا اللي قلت ننعس شوية باش نفيق نتريني... صدقنا فهاد الحلمة الله يحد الباس... 😊😊😊
زعما آش كتعني؟؟ خصوصا أنني حلمت راسي فتافوغالت وتافوغالت ما فيها بوليس