باش يكون عندك اجتماع رفيع المستوى ديجا مبرمج مع #إسبانيا لي هي الشريك التجاري ديالك الأول منذ 2013 و عندها ألف شركة مثبتة فوق التراب ديالك ، و ينوض الديوان الملكي يقول للوفد الإسباني فآخر لحظة أن الملك ما مساليش ليهم و عندو ما يدار ، أي أن الوفد لي مترأسو رئيس حكومة إسبانيا بيدرو سانشير بنفسه غادي يجي حتى لعندنا و مغديش يتلاقا مع الملك لأول مرة فتاريخ الشراكة الإستراتيجية بين البلدين..
بل منين ينوض الديوان الملكي من بعد و يقول ليهم راه الإجتماع ݣاع تأجل بسبب الوضع الصحي غا سمحو لنا، و فالمقابل بعد أيام قليلة على هاد الستون ينوض يستقبل وفد دول أخرى هانية و يريح معهم الملك بكل أريحية أمام عدسات الكاميرات ، و قبل منها يقول وزير خارجيتنا للإسبان أن حنا مشي دركي هجرة و ديك ال30 ألف حراݣ لي كنتو معولين ترجعوهم لينا غي خليهم عندكم بلا ماتحلمو تسيفطوهم لينا....
و يتبعو رئيس الحكومة حتى هو يتكلم بكل جرأة و ينتقد السيادة ديال إسبانيا على زوج مناطق لي مامصنفينش نهائيا فقوائم اللجنة الرابعة للأمم المتحدة (لجنة تصفية الاستعمار) ، و فاش تجي إسبانيا تبغي تشكي على السفيرة المغربية تنوض تصدمها حتى هي و تقول ليها أنه عندو الصح و المغرب كايعتبر السيادة الإسبانية فتلك المناطق هي إحتلال غاشم....
و من بعد الواقعة بيومين فقط يخرج وزير الداخلية الإسباني مارلاسكا لي ديجا تبلوكا ليه طلب ترحيل الحراݣة يقول أن العلاقة مع #المغرب كي السمن على العسل و مكاين حتى شي مشاكل بيناتنا و المغرب شريك مميز.........
هاد المعمعة كامل و إن دلت على شيء فإنها تذل أن المغرب هاد الأيام متكي على شي كالة صحيحة خلاتو يزعم اكثر من ذي قبل فالتعامل ديالو مع الإسبان.... شي حاجة تبدلت و عطات الزخم للمغرب..🔥🔥
0 تعليقات
أكتب لتعليق