المغاربة في راس العام سبعة أنواع

المغاربة في راس العام سبعة أنواع :

- النوع الاول حازق مقودة عليه إذن راس لعام حرام تشبه بالكفار و العيوذ بالله غادي يجبد اقوال شيوخ ... وكفى الله المؤمنين شر القتال سدات مادام ...
- النوع الثاني حازق و مقودة عليه لكن ما مفاكش باغي يعيش لحظة و يدوز راس لعام زاهي مطرطق كيوجد قبل مع لعشران حيث بوحدو ما يقدش خاص كوتزاسيون في قرعة و طابلة ...
- النوع الثالث حتى هو حازق و مقودة عليه الحطة ديال سوارية كاينة ...لكن مصروفها يجيب الله باقي مقاتل كيجمع باغي يطلع مراكش هو ساطة يدوز ويك اند و يكل لحلوة على جوج مرات ديال راس لعام و ديال ما بين فخاد راس لعام..عموما هذا لبلان كيفشل ليه ...
-النوع الرابع وصل سطاج الاخير ..ليلة راس لعام كيكون مجبد على سداري ديال حلفة مغطي بجوج مانطات مكونيكطي من سمارتفون ما بقاش كيشد شارج ...كيكتب لينا راه في اوطيل مامونية نايضة و فايضة ...حنا كنديرو معاه مزيان بجيم و تعاليق ديالنا ...ساط كثيق راه في مامونية كينوض يزيد في تلفازة على حدها سهرة شعبي ....كيصدق نايض ليه باه مكبتها معاه ....هههههه
- النوع الخامس هدو ما مقوداش عليهم عندهم لعاقة ...كيدوز راس لعام في جو هادئ احتفال زوين ..وحديث عن اهم ما داز اهم تحديات لعام جاي ...كتوصل لحظة كنوضوا يحسبوا 10 9 8 .....كونط غبوغ...اهلا عام الجديد ...
نوع السادس عندو لعاقة لكن عقلو فقير جدا...كيمشي شي حفرة فيها عادل ميلودي و تسونامي ...كيسكر كينوض يكبتها كيبغي يطغى ...كيتساطح مع داك نوع ثاني لي دويت عليه لفوق 10 مشاركين في قرعة كيعطوه قتلة كلب ...كتخسر سوارية عند كلشي كيبداو تشيار بالقراعي و كتكبث ....نص صيطار نص كوميسارية ...
نوع السابع ما مقودة عليه ما عندو لعاقة قانع بداكشي لي قسم ليه الله.....ما مسوق لحتى حاجة هو خارج النص.....ليلة راس لعام كيدير صوبة و كيقلي لحوت و كيصرع شي شلاضة و لعدس ...كيريح يطلق شي فيلم خاتر ..مرة مرة كيطل على الفايسبوك وعلى الانواع كلهم لي ذكرت اش كاتبين في بروفيل ديالهم كيبقى يضحك كيقول وحق رب لا بنادم تسطى ههههههه.... كينوض يدخل لطواليط مع 23:50 كيخرج مع 00:05...دخل خرا في 2016 و خرج لقى 2017..
وكاين واحد النوع اخور  كيكون خدام فالكوزينة ديال شي اوتيل ولوقت لي ناس محتافلين هوا كيضرب فتامارا على قلبو

غــيـر إيــماجــني